هوجاس ستوديو

الميزات

كل ما تقدر تسويه في هوجاس ستوديو، مرتب حسب الغرض. أغلب الأدوات تقدر تستخدمها بيدك في الاستوديو، أو تطلبها من Claude بكلامك العادي وتظهر عندك خلال ثانيتين.

الجديد في 4.35

تسع مؤثرات جديدة، وحركة بالمفاتيح، وبودكاست يطلّع لك أفكار كاملة، وClaude يترك لك ملاحظات تعدّلها. وكله يشتغل على جهازك.

  • تسع مؤثرات جديدةتمطيط الكلمة، شاشة تصوير بعدّاد صوت، إشعارات تتراكم، خانة تكتب وزر، برامج تنشطب وحائط ينفجر، الكلمة بمقالات كثيرة، صور كثيرة تبعد وترجع على شخص ثاني، ترجيع، وقبل وبعد.
  • داخل جوالترفع تصوير الشاشة ويطلع داخل آيفون يتحرك، وتحته أنت، مع ضغطات على الشاشة وشارة مثل ×8.
  • حركة بالمفاتيحأي نص أو صورة يتحرك ويكبر ويلف من مكان لمكان مثل CapCut، بست حركات جاهزة أو مفاتيحك أنت.
  • بودكاست بأفكار كاملة (beta)من رابط يوتيوب ينسحب النص بثواني، ويطلع لك ضعف العدد لقطات كل وحدة تبدأ بأول الفكرة وتخلص بآخرها، وما تنقص بنص الكلام. واسم المتكلم يطلع لحاله، والدبلجة بنفس السكتات.
  • قوالب الكابشن مع الاسمست أشكال جاهزة تغيّر الكابشن وصندوق الاسم مع بعض، والكلمة المهمة بالذهبي.
  • الفيديو تحرّكه بيدكتضغط على الفيديو بالمعاينة وتسحبه لأي جهة وتكبّره بعجلة الماوس، أو تختار مكان القص من الصورة الأصلية العريضة.
  • ملاحظات من Claude تعدّلهاكلمة ما وضحت بالصوت أو كابشن صعب ينقرا؟ Claude يترك لك ملاحظة بوقتها، و«روح لها» يوقفك عندها.
  • «ما عجبتني، بدّلها»كليك يمين على أي لقطة أو صورة أو موشن، وتطلع ملاحظة جاهزة لـ Claude يبدّلها بشي أنسب.
  • العناصر بأقسامصف أزرار فوق: صور وفيديو، افتتاحات ونصوص، موشن، حركات وأرقام، شخصيات، مؤثرات، ألوان... تشوف قسم واحد بدل ما تدوّر.
  • حذف المقطعمن المكتبة بضغطة، وينتقل لمجلد .trash فترجّعه لو غيّرت رأيك.
  • صوت معاير بكل الأجهزةالمقطع النهائي يطلع بعلو المنصات (-14 LUFS) حتى على ويندوز، والصوت بالخلفية ينخفض وقت كلامك.
  • القصة البصريةClaude يتابع كلامك ولكل فكرة يجيب مثال يفهّم بدون صوت (الكريدت عداد بنزين، قوة الموديل قير)، والأمثلة من عالم واحد ترجع بالنهاية جنب وجهك، وكل حركة تطلع مع كلمتها.
  • صور تتحرك ويتعلّق عليهاالصور التوضيحية ما تكون ثابتة: دفع وتحريك وهزّة، وحلقات وعدّادات ودبابيس ومسارات ومربعات على الشي اللي تتكلم عنه بالضبط.
  • صوت استوديويشيل الضجيج ويخفف صدى الغرفة بين كلامك ويوزن مستوى جملك، على جهازك بلا رفع ولا اشتراك. تبدّل بين الأصل والاستوديو وتسمع الفرق.
  • موشن جاهزتسع قوالب حركة فوق المقطع: رقم يعدّ، عنوان يضرب، قائمة تنكشف مع كلامك، مراحل، إشارة على شي بالصورة، اقتباس، نسبة بدائرة، مقارنة، وختم شعارك. كل وحدة تدخل وتطلع لحالها.
  • اختيار الجمللو أعدت الجملة أو تلعثمت، يشيل المحاولات الزايدة ويخلي الأفضل، وClaude يختار بالمعنى. تسمع أي لقطة وتبدّل بضغطة.
  • خطة قبل البناءتشوف وش بيطلع بكل جزء من مقطعك ومن وين، وتوافق أو تعدّل بكلامك قبل ما يبدأ.
  • شعارات وصور تخيليةلما تذكر شركة يطلع شعارها فوق الكابشن، ولما تقارن بين شركتين تطلع حركة هادية بين الشعارين. وللمواضيع المهمة صور تخيلية بستايل واحد تتولّد من حساباتك.
  • كابشن نظيف وقص آمنخمس كلمات بالسطر، والأسماء المعروفة بالإنجليزي، وخطك الخاص افتراضي. والحذف ما يشيل كلامك المهم ولا يخلّي كابشن بدون صوت.
  • تسريب ضوء وأربع طوابعانتقال بضوء دافي طبيعي، وطوابع جديدة: برنامج مسابقات، شاشة طرفية، تقرير استخباري، وأفلام الجواسيس.
  • 128 صوت وموسيقى حرةانتقالات، نقر، تنبيهات، نجاح وخطأ، فواصل موسيقية، فلوس وورق، أجواء، و15 موسيقى. كلها CC0 تستخدمها تجارياً بدون ذكر المصدر، بأسماء عربية ومقسّمة مع بحث.
  • كتم كلمةاسم شخص أو شركة أو سعر ما تبيه ينسمع؟ اكتبه ويلقاه بكل مكان انقال فيه، ويحط بيب أو صمت، وبالكابشن نجوم أو مربع.
  • ذوق المونتاج بالأرقامClaude يمنتج على قواعد مكتوبة: كل قطعة لها سبب، الوعد بأول 3 ثواني، سكتات طبيعية، زوم له سبب، نص يمديك تقراه، وموسيقى تحت الكلام تنخفض لحالها.
  • فحص قبل النشردرجة من 100 وست أبعاد: أول 3 ثواني، الإيقاع، حركة الصورة، الوضوح، النهاية، الطول. ومنحنى تقديري لكم واحد يكمل للنهاية، والأجزاء الضعيفة بالأحمر على التايم لاين، وكل مشكلة لها زر يصلّحها: يقص الوقفات، يحط زوم، أو يحط أقوى جملة عنوان على أول المقطع.
  • أحسن إعادةلو قلت الجملة مرتين أو ثلاث، يختار الأكمل والأوضح ويشيل الباقي. تسمع كل محاولة وتغيّر بضغطة.
  • الأغلفة3 لقطات وجهك فيها واضح ومعبّر، مع عنوان كبير بخط مقطعك وثلاث تصاميم. تختار وتحفظ.
  • كاروسيل وثريد ويوتيوبمن كلامك بالمقطع يطلع كاروسيل انستقرام بصور جاهزة، وثريد X، وعنوان ووصف يوتيوب. تعدّلها وتنزّلها بملف واحد.
  • أرقامكتدخّل مشاهدات مقاطعك بيدك أو تستوردها CSV من TikTok Studio أو Metricool. بعد 5 مقاطع يقول لك وش يضرب عند جمهورك، وترشيح اللقطات يصير يميل له.
  • الملقّن (قريباً)تكتب السكربت وتقراه وهو يمشي فوق الكاميرا. جاي بالتحديث الجاي.
  • مصنع الليلترمي مقاطعك بمجلد، وتتجهّز وحدة ورا وحدة بدون ما يثقل الجهاز، وبالليل بس لو تبي. ويجيك إشعار بالجوال لما تخلص.
  • الفيديو العرضي يتبع المتكلمالبودكاست والمقابلات 16:9 تتقص عمودي على اللي يتكلم، وتنتقل بين الجمل بس.
  • حارس حدّك في Claudeأي زر يشغّل Claude يسألك قبل ويقول كم تقريباً يستهلك. والافتراضي يدوي، ما يشتغل Claude إلا لو اخترته.
  • بلقن يتحدّث لحالهتثبّته مرة من Claude Code، وكل نسخة جديدة توصلك بدون ما تسوي شي، والمكتبة تنتقل لها لحالها.
  • أخف على الجهازالتفريغ والتصدير يشتغلون بأولوية أقل من برامجك ويخلّون لك جزء من المعالج، والاستوديو أهدى وهو ما يشتغل.

المكتبة واللقطات

كل مقاطعك بمكان واحد، من الجوال والكمبيوتر.

  • رابط من أي منصةتلصق رابط تيك توك أو يوتيوب أو انستقرام أو X، ويسحب الفيديو.
  • لقطات من فيديو طويليرشّح أقوى اللحظات بدرجة «احتمال يضرب»، وتعاين كل لقطة وتعدّل بدايتها ونهايتها، أو تخلي Claude يختار.
  • مونتاج يدوييقص السكتات ويكتب الكابشن ويفتح لك التايم لاين تكمّل بيدك، مع رسم حر يرتسم بالفيديو.
  • بحث بكل كلمة قلتهاقاعدة بيانات على جهازك فقط، تبحث فيها بأي كلمة ويفتح لك المقطع على الثانية نفسها.
  • من جوالكالمكتبة والاستوديو يفتحون من الجوال برمز QR أو رمز من 6 أرقام، وملاحظات بالصوت عند أي لحظة.

القص والتفريغ

من الفيديو الخام إلى نص مقصوص ومفرّغ.

  • قص تلقائي للسكتات والحشو والإعاداتتحذف الجمل اللي تبيها من صفحة الأسئلة، أو تطلب من Claude يشيلها.
  • تفريغ عربي بتوقيت كل كلمةكل كلمة لها وقت، فالكابشن يمشي مع الصوت بدقة.
  • تقسيم الكابشن على أنفاس الكلامالكابشن ينقسم عند الوقفات الطبيعية، مو عند عدد ثابت من الكلمات.
  • تنظيف الكلام المخترعالجمل اللي يضيفها التفريغ فوق السكوت، مثل «اشتركوا في القناة»، تنحذف.
  • قص من التايم لاينتحدد أي لقطة وتقص من أولها أو آخرها، أو تحذفها كاملة.

الكابشن والترجمة

نص يقرأه المشاهد وهو يسمع، بشكل يناسب كل منصة.

  • 20 ستايل كابشننظيف، صندوق، كبسولة، جريء، كاريوكي، كلمة كلمة، قزاز، شريط، وغيرها.
  • تمييز الكلمة المنطوقةلون، أو توهج، أو قلم تظليل، أو خط تحت. ويمكن تخفيت باقي الجملة.
  • ترجمة إنجليزية تحت الكابشنClaude يكتبها بمعنى قريب وقصير، وأنت تعدّل كل سطر.
  • منطقة آمنة لكل منصةالكابشن ينرفع تلقائياً فوق واجهة المنصة، ومعاينة توضح حدودها.

كروت الشرح

لما تحتاج تشرح فكرة، الشرح يكون رسماً مو كلام طويل.

  • تسعة أشكال جاهزةنقاط، خطوات، مخطط بأسهم، مقارنة، رقم كبير يعدّ، صح وغلط، خط زمني، قمع، اقتباس.
  • رسم حرClaude يرتب دوائر وصناديق وأسهم وأيقونات وأرقام تعدّ، على حسب الفكرة.
  • وجهك يبقى ظاهراًالأداة تحدد مكان وجهك، والكرت ما يغطيه ولا يقص نصه.
  • شاشة مقسومةالشرح فوق وأنت تحت، أو كرت فوق وأنت صغير تحت.

الحركات والأرقام

الأرقام اللي تقولها تتحول لحركة تنقرا بنظرة.

  • نسبة من نقطتظهر النسبة كنقاط، وتتبدل إذا قلت أكثر من رقم.
  • شبكة أشخاص ودائرة تتعبىللنسبة من الناس، أو لنسبة من شي مثل الماء من الأرض.
  • مقارنة أعمدةأطوال أو أسعار أو سرعات، بالأرقام اللي قلتها.
  • خريطة ومسارسفر بين مدينتين، والمسافة والوقت تنحسب لحالها.
  • خط بياني وعدّاد وخبر بتظليلأرقام تتغير مع الوقت، أو رقم يدور ويوقف، أو عنوان خبر يتظلل جزء منه.
  • رقم يعدّ ونسبة بدائرةالرقم يعدّ لين قيمته ويضرب ضربة خفيفة، والوحدة تنزل بعده، ومعه شريط أو دائرة تتعبى بنفس الإيقاع.
  • ختام بكلمة وشاشة كلمةدعوة مثل «اكتب كلمة كذا»، أو كلمة وحدة على الشاشة كاملة.

الصور والمقاطع

لقطات توضح كلامك، من مصادر حقيقية أو من حسابك.

  • بي-رول حقيقي برخص حرّةبحث في ويكيميديا كومنز، والمقطع ينزل ويُقص على الجملة اللي تتكلم عنها. ومصدر كل صورة ينحفظ.
  • لقطة موقعاكتب الرابط، وتطلع صورته داخل إطار متصفح يتحرك لتحت.
  • توليد من حسابكتكتب الوصف، وينولّد في ChatGPT أو Gemini بحسابك، بدون مفاتيح API.
  • إطارات للصورقزاز، أو حلقة، أو متصفح، أو بوست.
  • صورة داخل صورةوجهك يصغر بزاوية، والشاشة كلها للشرح.
  • كولاج ورقيصورك تتحول قصاصات منقّطة تتركّب على خلفية لون واحد.

الخلفية والشخص

تغيّر ما وراء المتحدث، أو تحط كلمة تمر خلف رأسه.

  • تغيير الخلفية ورا المتحدثتغبيش، أبيض وأسود، تعتيم، لون، تدرّج، استوديو، أو صورة.
  • نص يمر خلف الرأسكلمة كبيرة تمر ورا راسك، وأنت ملء الشاشة.
  • فصل الشخص على جهازكأول مرة تاخذ ثواني، والحواف عند الشعر تقريبية.

المؤثرات والانتقالات

المؤثر يجي من معنى اللحظة، مو عشوائي.

  • 25 مؤثر بصريزوم، ضربة، اهتزاز، وميض، حبيبات فيلم، تقريب على الوجه، انفصال ألوان، شريط قديم، وغيرها. كل مؤثر له مثال حي.
  • انتقالات تكمّل الحركةانزلاق، دخول، خروج، تركيز، سحبة، لفّة، ودائرة تقفل على وجهك وتفتح.
  • علامات بخط اليددائرة، خط تحت، سهم، مربع، تظليل، صح، وخطأ.
  • مؤشر ماوسمؤشر كبير يدخل ويضغط على الشي اللي تتكلم عنه.
  • شريط اسماسمك وصفتك أو حسابك، بأربعة أشكال.
  • طوابع وتلوين12 طابع يغيّر شكل المقطع كله، و11 تلوين للفيديو.
  • إيقاع الموسيقىقياس ضربات الموسيقى، والقص على الضربة.

الصوت

صوتك يبقى واضح، والموسيقى ما تغطي كلامك.

  • صوت استوديوتنظيف بنموذج يعرف الكلام من الضجيج، وفراغ أهدى بين الكلام، ومستوى متقارب لكل جملك. وللغرف اللي صداها قوي، تقدر تعالجه بحسابك في Auphonic أو Adobe وترجّعه للمقطع.
  • اضغط على أي صوتالمؤثر، اللقطة، الجملة، أو الموسيقى: تضغطه بالتايم لاين ويطلع لك تحكمه هو.
  • مكتبة مؤثرات صوتية30 مؤثر، من انتقالات وضربات ووجهات وردود فعل، تسمعها قبل ما تضيفها.
  • أصواتكارفع ملفاتك، وسمّها، واكتب متى تنستخدم. Claude يستخدمها بمونتاجك.
  • تحسين الصوتستة أشكال: أوضح، أقل طنين، أنظف، أنعم، إذاعي، ومكالمة.
  • الموسيقى تنخفض وقت كلامكالموسيقى الطويلة تنزل لحالها لما تتكلم.

الاستوديو والتعديل

بعد ما Claude يخلص، التعديل النهائي بيدك.

  • تايم لاين في المتصفحسحب وتقسيم ومغناطيس، وتراجع حتى 40 خطوة.
  • حركة بالمفاتيحمفتاح عند أي ثانية للمكان والحجم والدوران والشفافية، والنص أو الصورة يتحرك بينها. وست حركات جاهزة بضغطة.
  • ملاحظات على الثوانيتكتب ملاحظة على أي ثانية، وClaude يطبّقها.
  • كرت الختامسطرين، ودعوة، وكلمة بارزة، ونقاط، وخطه تختاره بنفسك. واسحب طرفه تغيّر مدته.
  • فحص الإيقاع والقراءةيكشف الفترات الطويلة بلا تغيير، والجمل الطويلة بالكابشن، ويعطي المقطع درجة.
  • مقارنة نسختين وهوياتقارن نسختين، واحفظ ستايل حسابك وطبّقه على مقاطع ثانية.
  • عربي وإنجليزيزر واحد فوق يبدّل اللغة.

التصدير والنشر

الملف يطلع جاهز، ويوصلك على جوالك، وينتشر بموافقتك.

  • تصدير بمقاسكالماستر العمودي 9:16 دايماً، ومعه 4:5 أو 1:1 أو 16:9 إذا اخترت.
  • نسخة لكل هوكصيغ بداية مختلفة في ملفات منفصلة، أو نسخة بدون كابشن.
  • المقطع على جوالكبإشعار فيه الملف أول ما يخلص التصدير، أو برمز QR يحمّله مباشرة.
  • النشر والجدولة على تيك توكمن متصفحك وبحسابك، ويوقف قبل الضغطة الأخيرة لين توافق.
  • حزمة النشرالفيديو، وملفات الترجمة SRT عربي وإنجليزي، ونص كلامك، ونص المنشور، وحقوق الصور، بملف zip واحد.
  • مراجعة العميلرابط برمز خاص، والعميل يعلّق على أي ثانية ويعتمد. تعليقاته ما تتطبّق إلا لو حوّلتها لملاحظة.
  • التحكم من الجوالمعاينة فوق، شريط تمرير، وخمس تبويبات: النص، الكابشن، إضافات، ملاحظات، تصدير.

المنصات الأربع

كل منصة لها مدة وإيقاع وشكل مختلف، وClaude يتبعها من أول ما تختارها.

المنصة المقاس المدة وش يفرّق بالمونتاج
تيك توك 9:16 20 إلى 45 ثانية هوك في أول ثانية، وتغيير بصري كل 2 إلى 3 ثواني، وختام يرجّع لأول المقطع أو يطلب تعليق.
انستقرام 9:16 أو 4:5 15 إلى 45 ثانية لحظة تستاهل تنرسل لصديق، والوجه والعنوان بالوسط، والكابشن فوق لأن الوصف يغطي الثلث الأخير.
إكس 16:9 أو 1:1 أو 9:16 15 إلى 45 ثانية (حتى 140 ثانية) يشتغل صامتاً، فالفكرة تنفهم من النص من أول فريم، ورأي أو معلومة من أول جملة.
لينكدإن 4:5 أو 1:1 أو 9:16 30 إلى 90 ثانية نبرة مهنية وفائدة من أول جملة، وإيقاع أهدأ، وختام بسؤال يفتح نقاش.