سياسة الخصوصية

آخر تحديث: 16 أكتوبر 2026. تنطبق على قائمة الانتظار فقط، لأن المنصة ما انطلقت.

من يجمع بياناتك

الجهة المسؤولة عن بياناتك: Montag. للتواصل في أي شي يخص بياناتك: SND.Zah.26@gmail.com.

وش نجمع

• الاسم والإيميل (إجباري).
• رقم الجوال (اختياري).
• إجاباتك: المنصات اللي تنشر فيها، ونوع محتواك، وعدد مقاطعك بالشهر.
• مصدر وصولك للصفحة (مثل رابط المقطع اللي جاك منه) وكود الدعوة لو جيت من رابط صديق.
• نوع المتصفح والجهاز.
• هاش (بصمة مشفرة غير قابلة للعكس) لعنوان الـIP، نستخدمه فقط لمنع السبام وبعد يومين ينحذف. ما نخزّن الـIP نفسه.
• موافقتك على التواصل معك.

ليش نجمعها

• نحجز لك كود الخصم ونحدد ترتيبك في قائمة الانتظار.
• نتواصل معك عند الإطلاق بالإيميل، وبواتساب لو سجلت رقمك.
• نفهم مين يهتم بالمنصة (المنصات ونوع المحتوى والعدد) ونعرف أي مقطع جاب تسجيلات، عشان نطوّر المنصة ونحسّن إعلاناتنا.

أساس المعالجة هو موافقتك، وتقدر تسحبها بأي وقت.

كم نحتفظ فيها

نحتفظ ببياناتك حتى إطلاق المنصة وبعده بمدة لا تزيد عن 12 شهر، أو حتى تطلب حذفها، أيهما أقرب. بعدها نحذفها أو نحوّلها لأرقام مجمّعة ما تدل عليك.

مع مين نشاركها

ما نبيع بياناتك ولا نشاركها للتسويق. نستخدم مزودين لتشغيل الموقع فقط: Supabase لتخزين التسجيلات، وNetlify لاستضافة الصفحة. والبيانات مخزّنة في خوادم Supabase في كوريا الجنوبية (سيول)، يعني خارج المملكة، ونطبّق في هذا أحكام نقل البيانات خارج المملكة في النظام.

حقوقك وكيف تحذف بياناتك

لك الحق تعرف وش بياناتك عندنا، وتطلب نسخة منها، وتصحّحها، وتحذفها، وتسحب موافقتك. راسلنا على SND.Zah.26@gmail.com من نفس الإيميل اللي سجلت فيه، واكتب «حذف بياناتي»، ونحذفها ونرد عليك خلال 30 يوم.

بعد الحذف يبطل كود الخصم وكود الدعوة المرتبطين بالإيميل.

تعديل السياسة

لو تغيّرت السياسة نحدّث هذه الصفحة ونغيّر تاريخ التحديث، وإذا كان التغيير جوهري نبلغك بالإيميل.